創業，是找我看奇門遁甲盤的熱門問題，而不管你有什麼idea，今時今日都會開個免費facebook (Fb下同) page幫自己銷售宣傳，但我會同客人講，這一年間Fb page變得很現實，不要期望它會太多免費助力，而且經營fb page會很吃力，今期就吹水討論一下Fb。

Fb 已經變了質，當初它只是social media，跟朋友互動，但今天已經是最強大的主流媒體，而且產生了從來沒有的現象，「令媒體在媒體上賣廣告」，Fb俏俏地改變了人的閱讀習慣，連新聞都要透過Fb去接觸人群，所以上期說到媒體行業，其實不論網媒紙媒都被Fb牽著鼻子走，前陣子Fb再cut自然觸及率，我與大型媒體的編輯吃飯時一起大吐苦水，因為出post的自然觸及率只剩1-3%，即是你的page有一千人，基本上只會接觸到30人，有人like & share 才會增強一點，以前出post閒閒地都接觸到一萬幾千人，但今天除非你的post內容很有爆炸性，才會有很多organic爆上的like。例如王建東的ppap學廣東話， 可以自然生成300萬個view，但如果你的post沒什麼特別，又無名人，靚女相support，基本上就正如ppap學廣東話中的一句，nylon嘥嘢，除非你付費賣廣告。

但其實賣廣告都好有技巧，Fb唔知係咪請咗巴基明，明明成個post都係中文內容，但個好似入咗元朗，會殺咗班南亞裔出嚟，莫名其妙地like 嘅人個FB名係中英文以外既符號，呢一點我發覺好多人都瀨過嘢，甚至乎今時今日仲有人瀨緊，就算你肯出錢都一定要記得選擇語言及地區。

現在想透過Fb page幫到自己， 不外乎幾個重點：

1）只按like 唔夠，要按埋see first，只有like的話，你嘅post好少會彈出來。

2）拍片/ 開live，Fb 好想推動video，拍片/開live嘅post會易好多出現。

3）內容先決，一係你有好吸引好爆嘅內容，無就要靠美女圖，或者惡搞抽水，因為此乃大眾網民口味（當中宅男毒L最多），上星期黑雨有一張相，有個阿伯在水浸中的柴灣starbucks 嘆咖啡睇報紙，再俾網民cap圖，居然沖出國際，連英國BBC 都有報導，可見今天文化轉型，BBC 都要嘩眾取寵博like。

其實只要你自己打開FB，都不難發現朋友消息變得越來越少，媒體page既news feed就越來越多，其實很久以前Fb已經忘了初衷，現在已經從社交媒體變成了媒體的統治者，商業用家真係用又死唔用又死。

需要命理風水服務，請按本網站以下連結：

 http://www.yunqz.com/?page_id=10995

#雲清子 #奇門遁甲 #風水

source: http://www.winmoney.hk/famous/%e3%80%90%e5%a5%87%e9%96%80%e5%89%b5%e5%af%8c%e3%80%91-%e5%88%a5%e5%a6%84%e6%83%b3-facebook%e6%9c%83%e9%96%8b%e5%96%84%e5%a0%82%ef%bc%88%e9%9b%b2%e6%b8%85%e5%ad%90%ef%bc%89%ef%bc%88%e7%ac%ac96/