一般來找我的男客戶,都是做生意,打工就以sales居多,跑生意跑數當然想知道點趨吉避凶搵多點錢啦,前陣子見客,見了一個我比較少看過的行業,有一位中學男老師來問奇門遁甲卦,當天聽到今時今日的教育實況,令我有點詫異。

那位男老師其實都對教育業心灰意冷,同時想問下轉行問題,男老師話現在的教育其實很荒謬。

在眾多他口說的謬事裡面有一單我很心寒的,原來現在有些學校準時返學是可以記優點的,學生遲到亦會隻眼開隻眼閉,我小時候為了不記缺點保住那一百幾十的零用錢,在長命斜奔跑沖上,趕去操場集會仲要行幾百級樓梯,依家準時有優點?WTF!

其實就這件事情可以變成很大的問題,應份的責任居然變成優點,沒有負責任的亦不用接受懲罰,正在接受教育的人會養成什麼概念?男老師說無計呀,人數或出席率不足就會殺校,只有利誘同時放下威迫,因為今天的細路唔X得,一X就唔返學,仲有好多怪獸家長嘅無理投訴,試卷太深又X,自己小朋友成續差入唔到精英班又X,令到佢今時今日教書,不求有功但求無過。聽落真係心寒,但我覺得這是所有人的責任,除了因為學校及教育制度不行,家教身教其實也很有問題,而走入惡性循環。

我一直很奇怪點解小學無咗小食部,唔俾小學雞買嘢食?呢樣先係小朋友嘅重要課堂,可以學計數,又可以請人食嘢學習社交,但現實都只識得Do百達通,而且只要屋企環境正正常常,基本要咩有咩,如果係典型中產嘅仲大鑊,一個傭人mark實一個小朋友,車出車入,返學連書包都唔駛孭,小學5、6年級都未試過自己坐車,極度欠缺獨立自主能力。

90、00後嘅小朋友不過10-20%人口。但卻屬於香港100%的未來希望,除了因為政治、經濟,角色地位而看淡香港前景,我認為學校及家庭教育都越來越差,係資源集中被溺愛嘅大方向下,大多數下一代嘅精神力層面都會顯得更弱⋯現在已經不時會有怪獸家長陪埋仔女去見工,再怪獸啲真係唔知可以發生咩事⋯所以每當有家長好緊張小朋友嘅嘅事情時,我都會勸下佢地俾仔女自由發展吧啦。

最後男老師嘅奇門命盤中亦見到有殺校可能,最無奈係有心當老師,但依家嘅細路越來越唔受教,唉有路數我都勸喻轉行。

 

一年一度推出的運程app-雞年運程已經推出,大家可以慳返運程書錢,完全免費下載,既有免費,何必破費?

 

she-2017-app-promote-pic

雲清子奇門遁甲雞年運程 :

ios:
https://itunes.apple.com/hk/app/yun-qing-zi-qi-men-dun-jia/id1162801440?mt=8

play:
https://play.google.com/store/apps/details?id=com.yunqingzi.app201701&hl=en