師父為imoney讀者解答疑問，抽中讀者Maxi同James，師父又有咩見解呢?

Maxi問題：

我係做finance公司（除咗第1份工，主要都係financial industry）嘅IT support，職級都係最低層嘅desktop support，另外呢最近3年，第1年開始時，份工做咗約3年半，還有，之後兩份都做唔過一年，點解最近3年都咁邪，年尾去旅行前就俾人炒？

答案：Maxi你好，其實你嘅工作宮位有驛馬星，所以呢幾年多變動係十分正常的，至於到尾俾人炒呢吓嘢就真係只是巧合了，不用太執著亂想。

但無奈是工作變動亦都會帶動到今年雞年以及明年狗年，所以你要18年之後時工作先至會比較穩固落嚟，而且你要小心17、18年你都容易遇到公司嘅高層變動，繼而影響你嘅工作，

今年17雞年運程其實算合格，亦有一點升職或加薪嘅提升機會，但必需付出更大努力先可以得到，特別中秋開始直到年尾機會最大，其實比起之前三年都算有改善，今年有少少老細關照你嘅助力，但你今年比較惹是非，要小心說話，唔好講嘢得罪人，要世界仔一啲同上司打下關係，希望你仕途上面可以更進一步。

另外仲有少少嘢想提你，因為有賊星來犯，你要小心會俾人呃，俾人謀害連累你，畀鑊你孭，做人抵得諗唔緊要，但係千祈唔好俾人利用，過橋抽板。

澳門讀者James問題：

主要金錢來源是股票，想請問未來幾年順唔順利，或者工作運如何。小弟即將大學畢業，但未有打算工作，主要是投資炒股，如果未來有機會可能會嘗試從事金融行業，但對職場沒太多好感或憧憬，因為不太喜歡隨便與人打交道，性格有點孤僻所致吧，現階段主要專注投資，將來可以嘗試創業，慈善工作也希望做更多。

答案：首先講吓流年運程先，整體今年以上半年較順，但暑假開始運程會回落，如果投資買賣方面，下半年要小心了，唔好揸太重貨，風險稍為高嘅產品都要以短線為主，不能太貪心，賺到盡，否則小心會坐艇，得不償失。

但長遠格局你算適合做股票，金融行業、IT等等，將來嘅工作絕對可以往這方面發展，你話你就快大學畢業，18、19年都屬於工作運相當不錯的年份，可能你一畢業就會比別人順，無論打工或者創業都可以，但你話你不喜歡同人打交道，我就反而會有啲相反意見，我覺得你嘅人緣運會唔錯，而且將來可以係工作上面幫到你，反而你唔好俾自己有一個這樣嘅框架，去限制你自己嘅發展，特別係你想創業，更加需要同人合作以及外來嘅助力，特別明年後年你都容易遇到有人會幫你的。慈善工作幾時都做得，細有細做，大有大做，加油！

為了答謝《港股策略王》讀者，想繼續問題請inbox本人Facebook專頁。

http://www.facebook.com/yunqingzikeith

一年一度的雲清子奇門遁甲課程開始招生（第六屆），學會奇門遁甲可以知道命運走勢，從而趨吉避凶，幫人助己，對做生意及仕途有莫大幫助，更是增強人際關係的利器，課程開始招生，6月6號開始！報名從速！
 課程資料及報名連結：

http://www.yunqz.com/?page_id=10997