雲師傅你好，多謝你開咗個信箱，等我哋呢種經濟能力平平嘅小市民都可以喺迷惑時有個機會催吉避凶，希望師傅你可以抽中我啦！

我叫阿文，70年8月27日出生，人生比較大起大落，曾經投資搵過吓錢，但又試過一鋪清袋，運程比較反覆無常，我做sales，要跑數又要帶team，賣IT類產品，前年就入咗呢間公司直到依家，本來都做得幾好，但今年新老闆開始有一點不樂觀，人事好煩。

1）我應否轉工，但我怕又做錯決定，始終年紀不輕了，其實想留返喺現時工作的。

2）錢財方面幾時先會穩定？成日淨唔到錢。

你好阿文，盤中見到你2017整體不順，多動像多是非，錢財易有破耗，不開心，但不用太擔心，因自身格局吉又值符同宮，問題可解決。

記得今年整體不順之月為1至8月，比較好的月為9至12月，所以2017年難免仲要捱多陣。

工作格局：

其實工作運不錯，未來五年都算平穩，保持自己一向行事性格作風便可，但今年的確會差小小，我提你以下重點：

與客人關係：

整體還可以，不算差但客人難湊，常有反覆不定的問題，你雖可解決，但客人始終難湊，難免會有部份流失，今年不能太依賴舊客，要在吉月拚命找新客，你的手下今年會幫到你的。

與同輩／同事等關係：

相剋，今年是非多從同事關係發生，佢哋蛇鼠一窩必定會搞你，不用理會他們，工作上嘅敏感交流位記得要black & white，小心被人屈。

與老闆關係：

他的格局差，好高騖遠、急進、不聽意見、處事亂、有問題就會找你善後，但此人不可與他頂撞硬碰，要懷柔說好話。老闆他3、4、9、10月會犯錯，要多加注意幫他執漏，賣個人情給他，好處是你們關係相生，你老闆就算係衰人，你聽聽話話佢都唔會害你。

錢財：

未來五年運程不錯，好好工作儲錢，錢財不會太差，但你個人的投資運只屬一般，不宜重注，金、水行業的股票板塊會較合適，或者投資穩健的基金會比較好。

如果想增長運程，可以留意的網站所用的每月風水催運，依足時間方位放好水晶便可。http://www.yunqz.com　從選單按雞年風水陣便可以。或直接按以下連結：http://www.yunqz.com/?page_id=12625

為了答謝《港股策略王》讀者，想繼續問問題，請inbox本人Facebook專頁，因為並非面談，請提供多一點工作背景資料，如行業職級等，發問明確者優先處理，謝謝。

一年一度的雲清子奇門遁甲課程開始招生（第六屆），學會奇門遁甲可以知道命運走勢，從而趨吉避凶，幫人助己，對做生意及仕途有莫大幫助，更是增強人際關係的利器，課程開始招生，6月6號開始！報名從速！