大台近日開始播出新版《射鵰英雄傳》，在下已經先睹為快全部看完，但可以老實告訴大家，這套兩億製作的電視劇值得看，但當我以玄學家身份看射鵰會有種又愛又恨嘅感覺，對《射鵰》實在有讚有彈。

首先值得推介的原因有很多，它的取景很美，山川大江氣勢磅礡，這是香港拍不了的作品，香港拍古裝，去東龍島取景已經好有誠意，南生圍條獨木橋已經睇到人都木獨埋，劇中的靚景絕對加分，將原著那種景物描述完美呈現出來。我好記得大台幾年前有部幾收得嘅《回到三國》，成套劇都無見過人騎馬，劉關張趙雲永遠要行路，佢地唔厭我都睇到都厭⋯⋯新《射鵰》選角亦不俗，郭靖高大戇實，三哥演既東邪真心有形，楊康夠卑鄙乞人憎，黃蓉亦夠嬌俏靈動，但我們這一代的，都應該會獨愛朱茵演的黃蓉，此處大台應記一功。

何以現在看金庸作品覺得很亂入？其實很簡單，如果大家聽到亢龍有悔、見龍在田、潛龍勿用，百分之９９都會馬上聯想起降龍十八掌。但玩玄學，有多少文化底蘊既，就會馬上想起百經之首-「周易」亦即易經，降龍十八掌既招式名，就係取自於易經的卦象爻義，當中最有代表性既第一卦「乾卦」更被玩到最盡，好像「潛龍勿用」，便是出於乾卦初九，《彖》曰：「『潛龍，勿用』，陽在下也。」想當年周文王嘔心瀝血地在獄中演易，將八卦變成六十四卦，被後世推舉為百經之首，易經成為中國的科學哲學藍本，但現代說起易經爻義，卻叫人想起金庸的降龍十八掌，都咪話唔吹漲。

另外一樣更離譜，在下至今仍然被身受其害，金庸點會害到我呢d小人物？我肯定有，仲要上星期又領一領野，我就係俾佢筆下一位我最喜歡的人物連累到，此乃東邪黃藥師。黃藥師武功超凡入聖，精通五行八卦奇門遁甲，無錯就係小說裡的奇門遁甲出事了。金庸裡的奇門遁甲，是佈陣用的機關，整到桃花島成個迷宮咁，困住周伯通十九幾年⋯我都幾肯定想當初金庸老師執筆之時，想將諸葛亮那種神秘的奇門能力賦予黃藥師，但卻對奇門不太了解，只從古書小說推敲那是一種幻術及陣法，所以至今仍然有人問我：「奇門遁甲係咪佈陣用架？」「奇門係米控制個人郁黎郁去果啲奇怪嘢？」無錯我至今仍然答緊呢種問題，答咗十幾年了⋯我每次都要回應：「以前的無法引証，但現代奇門遁甲是一種以問事時間為觸機的預測學⋯」而黃藥師及奇門遁甲正是最多在射鵰出現，我已經教過幾百人奇門遁甲了，我的學生們應該明白我的無奈⋯對射鵰，我實在又愛又恨⋯

無可否認，金庸老師學識淵博，在6、70年代可以博古論今引用種種元素是很有創意的。但改編的同時，卻歪曲了不少歷史中的人與事物，令熟知史實者非常無奈，好像高道丘處機及尹志平，實在被他玩謝了，我在策略王的初期亦曾撰文提及過。說罷，曾從新聞聽說徐克大導拍想開拍《奇門遁甲2》，我當堂心都離一離，大佬，拍之前唔該佢搵個顧問，市面上都有不少奇門遁甲師的，唔又好攪彎我地個飯碗。

一年一度的雲清子奇門遁甲課程開始招生（第六屆），學會奇門遁甲可以知道命運走勢，從而趨吉避凶，幫人助己，對做生意及仕途有莫大幫助，更是增強人際關係的利器，課程開始招生，6月6號開始！報名從速！