好耐無係本欄寫過生活趣味的topic,剛剛5月去完卡塔爾、捷克、奧地利、斯洛伐克、匈牙利、希臘共6個中東歐國家,可以同大家分享一下小小冷門資訊及旅遊著數,暑假就到希望大家用得著!

首先是次行程因為太忙我完全無plan過,一切由賤內安排,我都唔知點解會去左卡塔爾先,原來因為香港無直飛捷克,(定唔知會好貴),所以要轉機,但幫襯卡塔爾航空,轉機超過12小時,會送你免費多哈酒店一晚,仲要係一大乍靚既5星級任揀,我們選了westin價值$1600左右,配套很好很舒服。

多哈-卡塔爾對香港人黎講應該絕係幾冷門旅遊地點,多數人都會去杜拜,而我對呢個地方既印象係-「好L有錢+慷慨」,機場好靚好先進,機場設計好有未來感,到城市交通亦方便,最緊要有UBER,一程3-40港紙左右。時間有限去的地方不多,只去了1)多哈伊斯蘭藝術博物館,2)Katara Cultural Village, Doha 3)souq waqif市場。

首先多哈伊斯蘭藝術博物館很值得去,可以睇到很多中東及印度的文物,男人去特別過癮,因為呢期展出既都係軍事武器等,而且費用全免,女人去都正,因為博物館內既cafe有5星景觀可以打卡,打個比方,等於係尖東intercon望住成個維港,但只係1星消費,飲杯咖啡都係$20港紙,所以我話呢個地方很慷慨,完全唔諗住賺你錢,博物館頂樓有靚餐廳,但只接受預訂。

去到2)文化村,有各樣特色建築,彷羅馬鬥獸場,座落波斯灣海灘,海灘有哂大型滑梯等消閒設施,係一個可以消磨幾粒鐘既地方,廣場內仲有架golf car可以車你同圍去,但最過癮係繼續零消費,攪到我唱左錢都無地方駛,餐廳消費亦便宜,只屬於pokka cafe消費水平。

再去埋3)souq waqif市場整天行程便完結,賣的都是中東產物,無咩需要又買唔落手,之後返酒店游水食水煙就完結,5星酒店食水煙,都係$200 港紙,平過尖沙咀爛9酒吧,買酒仲要買一送一,所以卡塔爾可能真係太有錢,好似唔想賺你錢甘,我玩左成日都駛唔到$500港幣!

所以如果打算去東歐,又以捷克為起點的話,絕對建議大家坐Qatar airways 係多哈轉機,花一日在那邊走走,睇下中東風土人情,但女士去記得要著多件衫,賤內當日只穿背心熱褲,一日有兩個回教包頭女子走過來阿支阿佐,有個唔識講英文都走黎鬧兩句,應該係話佢著得太少,鬧賤內係賤貨lol。

各位讀者如果想學奇門遁甲為自己催吉避凶,在下舉辦的「第七屆奇門遁甲課程」現正招生,只要你每逢星期二有空,便可以報名,三個彈性上課時間,1630、1845、2030各有一班唔駛怕上唔到堂!報名詳情請留意以下網站,或掃描以下QR code便可以!