香港人對歷史故事比較貧乏，今期就用通俗手法，同大家講下一個與奇門遁甲有關嘅歷史故事。

話說從前係一個天下大亂嘅朝代，有一個有錢仔，幾乎俾人買起全家，深深不忿想報仇，決定要暗殺佢嘅仇家，但係無奈對方財雄勢大根本無辦法埋身，無計可施之下，居然度咗一個超級無厘頭嘅策略。當時佢有一個超級大力嘅朋友，同樣對佢仇家一樣恨之入骨，於是佢就打做咗一個成百斤重嘅大錘，諗住當仇家出門嘅時候，匿埋喺山邊，一個大錘兜嘢飛埋去實行暗殺佢，最後當然飛唔中啦，事敗逃亡，想當年我睇到呢一段故仔，呢一幕的情景同周星馳橋段其實好相似，十分搞笑，與我認識嘅主角反差十分之大。

然後呢個有錢仔主角當然要着草，其實佢係一個出名很聰明的人，一早設定逃生路線，仇家點樣都搵佢唔到，於是佢去咗一個好遠嘅地方隱姓埋名，奇人自然有奇遇，有一日佢經過一條橋，有個白鬚阿伯坐咗喺度，叫佢幫佢去橋底執返隻鞋，佢明明見到係阿伯自己專登整跌嘅，唔憤氣之下都幫咗佢執，執完個阿伯仲叫佢幫佢着埋鞋添，佢又死死氣幫佢着咗，之後約佢五日後嘅清晨再理呢條橋到相聚，個有錢仔又會聽佢老點，依約準時雞啼就去咗搵佢，點知個阿伯一早坐咗喺度，話你哋啲後生仔點解唔識早啲到，又約佢五日之後再嚟過，但個有錢仔又繼續陪佢癲，呢次就晨咁早就去咗啦，於是呢個阿伯就俾咗本兵法佢，叫佢返去咪熟佢， 10年之後天下大亂，到時你就可以發圍啦。結果10年之後真係天下大亂，呢個曾經滄海，無助到要飛錘嘅有錢仔都算大仇得雪，仲改變咗中國嘅朝代，成為天下無人不曉，名垂千古嘅大人物，此乃過牆梯與張良計之「謀聖張良」是也。

以上就係著名成語「誤中副車」的故事，當時飛錘地點是博浪沙，張良是韓國的貴族，祖上是韓國宰相，佢嘅仇人就係秦始皇，秦王滅六國之後成為落難人，散盡家財盡地一煲想報仇才想出此飛錘奇招，好難想像中國古代最聰明嘅人張良，當時都居然曾經度過飛錘呢條絕世好橋，我曾對弟子說過這故事的啓發，人係成功之前難免都飛過一兩個錘，點都會做過一啲硬膠事。

而後來與白鬚公的故事，便出自於著名成語「孺子可教」，「張良拾履」，而改變咗張良一生嘅阿伯叫做黃石公，相傳是一位道教的隱世高人，而他送贈張良苦讀十年的天書是什麼？這個有很多說法，有叫作奇門遁甲、三略、太公兵法，太公陰符經，亦有說奇門遁甲是以上兵書的其中一部份，亦正因為呢本奇書，改變咗張良一生，遇上劉邦，促成中國漢朝的誕生，成為千古傳訟既「謀聖」。

今時今日，想學奇門遁甲，唔使飛大錘，亦唔使幫阿伯執鞋，因為在下舉辦的「第七屆奇門遁甲課程」現正招生，只要你每逢星期二有空，便可以報名，3個彈性上課時間，1630、1845、2030各有一班唔使上唔到堂！報名詳情請留意以下網站，或掃描以下QR code便可以！