做命理玄學呢一行，咩人都會見到，之前幾期講玄學家見聞都好似喺度吐苦水多，見盡騎呢小器嘅怪客，今期就講下有咩係好客，其實可能會有小小意外，呢類好客偏偏多數讀書唔多，就係撈偏門之類的江湖中人。

江湖中的客人並非個個都粗粗魯魯，有部分搵到錢嘅，其實對外亦斯文有禮，相當好客，而且說話發問都清晰直接，開盤交流嘅時間亦比一般人短，好少會chur住問好多問題，比一般人更加快言快語，爽快得多。

另一個最大嘅實際好處就係豪爽，睇風水知道只要係斷尺計明碼實價，絕少講價，曾經有一個撈偏門的客人找我看風水，佢同我講：「得啦師傅，你照收就得唔使打折，運氣錢唔慳得，幫我搞得妥妥當當就得啦。」呢種如此明白事理嘅好客當真可遇不可求，當然佢哋亦相當有趣而老土地信「邪」，舊一輩的買撈唔會買白錶面驚「白撈」，江斯丹頓更加唔買會驚江山輸盡，新一輩買車就唔鍾意買Audi，話車前有四個手拷唔多老黎，信邪而求運不講折，自然有道理。

除咗明白事理外，另一個好處係此客種亦明白命運，好多時自知撈偏係刀口討生活，最想嘅都係求平安，搵錢唔好太唔順利就可以，亦相對地比一般人明白命運因果，明白天道均勻，總有要還的道理，有次一位大佬好緊張幫佢兄弟因官司問卦，我早已明言相當不樂觀，我催運亦只可以幫佢判刑合理或判少啲，最後判刑後該兄弟都要收監，然後收到該大佬電話，仲驚佢發難唔開心，誰不知來電多謝我話判刑算合理，呢位大佬真係算相當明事理，因為好多聰明人都反而不太明白「命」同「運」的相互關係，對催運有不同或過高的期望，世間上並唔係所有事都可以完美化解的。

資深點的行家便會知道，很多時江湖客只會對你說他做「偏門」，那一種偏門是黃是賭是毒卻絕不會輕易相告，直到有了相互信任為止，但以一位信奉因果天道的玄學家立場，面對此類撈偏門的客人，都有種責任去勸告當事人必需有盗亦有道的道理，做了太過分的事，終會自招惡果無人可以幫你，此關節是比較難拿捏的部分，但話到此處其實是心裡明白的。

而且熟咗會知道很多社會上一些不為人知的秘密事情，絕對可以增長見聞及閱歷，幫助做人處事及社交，當中當然有水份，自己要學識分真假了。

 

課程資料及報名方法：
一年一度的雲清子奇門遁甲課程開始招生（第六屆），學會奇門遁甲可以知道命運走勢，從而趨吉避凶，幫人助己，對做生意及仕途有莫大幫助，更是增強人際關係的利器，課程開始招生，6月6號開始！報名從速！課程資料及報名方法：

http://www.yunqz.com/?page_id=10997