西九風水

上個月有一個星期六11點鐘，唔算peak hour，我要趕時間從尖沙咀去中環，已經唔行紅墜，狗向西奔走，都用左75分鐘先可以停係中環萬宜，令我遲大到，好唔專業。其實罪魁禍首係TMD高鐵工程，不停改道，令尖西一帶交通痴哂線，d人成日話工程爛尾，呢句說話錯L哂，工程進展仲係好似起緊頭，只可惜鳥不起，何來有「尾」可見？我個人好贊成起高鐵，但起到甘L樣，真係世界級辱L酸，上個星期新聞仲話緊唔夠錢，真係把９幾火。

發洩完可以變回文青，近期去了凱旋門看風水，其實高鐵工程最大受害者是一眾九龍站住客，當中以漾日居、凱旋門、擎天半島等直望地盤的單位最受影響，有錢買來投資還好，若論自住的話，風水就不好了，此地盤煞氣極大，對風水一定不好，一天工程未完成，風水上助力必然大大減弱；因為地盤面積極大，對每個單位而言，地盤都進佔了好幾個卦象範圍，影響力不容忽視；那麼有什麼不好？健康、工作、小人，小朋友等等最受影響。

「健康唔好？鬼唔知咩，唔駛睇風水，對住地盤食塵身體好得去邊？」

這種情況下直望地盤的話，很容易出骨科問題，家宅不寧，工作、交際不順、遇人不淑，而且對小朋友運程不利，特別係男丁，容易出現身體差，不聽話、心散、學壞等等，這些都是大方向概括，細節要到過現場才可知道，亦有機會該單位的間隔佈局上能夠補救，但可以大膽推算，西九龍這些望地盤的單位，在秋天、春天最為不順，最容易遇到以上問題。

至於化解方法，可以放八卦、植物、白水晶等等，但至於具體風水物的材質大小，擺放位置，還是有它的細節及寓意，要到過現場才可以下定論，找出最佳方法，但在這般的情況下，放白水晶在對正地盤、動土地方的窗台，露台等等是比較大路，穩健的化煞方法，對細節要求比較少。

係未來大氣候不吉之下，住係煞氣大的地方會對運氣打折扣，條命水生得唔夠硬淨，都頂唔住呢d巨型動土煞氣，風水之說，信則有不信則‘不覺’，祝眾西九業主好運，高鐵早日完工。